الأربعاء، 27 أبريل 2011

شيالة عشان الحمام...


أنتو اكيد عارفين باب الحمام المكان اللى وراه بيكون دايما فاضى ومش مستغل..
انا بقى استغليته
هاوريكم أزاى؟؟؟؟
عمايل أيىدى بالخيش... وبالصور(متجدد)
جيبت خيش وكويت عليه من الضهر قماش فازلين عشان يبقى ماسك نفسه..
وعملت لكل استخدامات الحمام جيوب

اول جيب للبشاكير الكبيرة لفتها وعملت الجيب على قدها وزينته بخيوط الخيش وخيطته
ودى صورته
عمايل أيىدى بالخيش... وبالصور(متجدد)


 


عمايل أيىدى بالخيش... وبالصور(متجدد)
وده جيب عملته عشان الحاجات اللى بنستعلها انا بخبى فيه الفوط الصحية..
وجيل التواليت.. وحاجات كتير..

عمايل أيىدى بالخيش... وبالصور(متجدد)
ودى جيوب ضغيرة عملتها للصابون وكريم البشرة وكريم الايد وفرش الاسنان الجديدة...

عمايل أيىدى بالخيش... وبالصور(متجدد)
وده جيب كبير باشيل فيه بكر التواليت.
بشترى العبوات الجم الكبير واشيلها فى الحيب ده واغطيها بسيلوفان ..
كشكل جمالى وكمان عشان البخار فى التواليت مايبهدلش المناديل..
عمايل أيىدى بالخيش... وبالصور(متجدد)
وده جيب متوسط لفوط الوجه... برضه بلفهم وعملت الجيب على مقاسهم وخيطته...

عمايل أيىدى بالخيش... وبالصور(متجدد)
وده جيب صغنن اوى .. لشباشب التواليت الجديدة..
عشان لو عندك ضيف..

واللوف بتاع الشاور الجديد.. والشاور كاب... 
يعنى.. كل واحدة تحط افكارها بقى

عمايل أيىدى بالخيش... وبالصور(متجدد)

وده شكل اخير للشيالة مرة اخرى..
بس طبعا أعذرونى انا متجوزة بقالى اربع سنين واتبهدلت شوية..
لو كنت عارفة انى هابقى فتوكة كنت صورتها أول ما عملتها..
عمايل أيىدى بالخيش... وبالصور(متجدد)

ليست هناك تعليقات:

إرسال تعليق